سیالکوٹ (صباح نیوز)سیالکوٹ میں تیزرفتار ڈمپر دنبوں کے ریوڑ پر چڑھ گیا جس کے نتیجے میں 80سے زائد دنبے ہلاک جبکہ سو سے زائد زخمی ہوگئے۔ پولیس نے ڈرائیور کو حراست میں لے لیا۔گزشتہ روز سیالکوٹ کے علاقے مرالہ روڈ پر رات گے دو ڈمپر ریس لگارہے تھے کہ اچانک ایک ڈمپر اپنا توازن برقرا ر نہ رکھ سکا اور سڑک کنارے بیٹھے دنبوں کے ریوڑ میں جا گھسا جس کے نتیجے میں 80 سے زائد دبنے ہلاک جبکہ 100 کے قریب زخمی ہوئے ڈمپر کی زد میں آکر چرواہا بھی زخمی ہوگیا جسے طبی امداد کے لئے سول ہسپتال منتقل کردیا ۔حادثے کے بعد مرالہ روڈ پر شدید ٹریفک جام ہوگیا۔ ٹریفک پولیس نے کرین کے زریعے ڈمپر کو سڑک سے ہٹا کر روڈ کو کلئیر کرایا واقعے کے بعد پولیس نے ڈرائیور کو گرفتار کرلیا۔
فرمان الہی
نماز کے اوقات
