بہاولپور(ڈسٹرکٹ رپورٹر) چڑیا گھر بہاولپور 15 سال بعد پیلیکن کے پنجروں کی صفائی شروع کردی گئی۔ تفصیلات کے مطابق گزشتہ 15سالوں سے پیلیکن کے پنجروں کی صفائی نہ ہونے کی بنا پر پنجروں میں دودوفٹ تک کیچڑ اورگارا جمع ہوچکاتھا جس کی بنا پر پرندوں کو شدید تکلیف کاسامناتھا خصوصا گرمی کی شدت بڑھنے کی بنا پر پیلیکنز کی حالت خراب ہورہی تھی جس کانوٹس لیتے ہوئے کیوریٹر نے فوری طورپر ان پنجروں کی صفائی کے احکامات جاری کردئیے جس پران پنجروں کی صفائی کاکام شروع ہوگیا۔ اس حوالے سے کیوریٹر نے میڈیاکوبتایاکہ 15سال سے ان پنجروں کی صفائی نہیں کی گئی۔ تشویشناک صورتحال کے پیش نظر فوری طورپران پنجروں کی صفائی شروع کردی ہے جو چند دنوں میں مکمل کرلی جائے گی۔
فرمان الہی
نماز کے اوقات
