سرگودھا،جوہر آباد(نامہ نگار،نمائندہ جنگ)حادثات میں 2افراد جاں بحق ،5افرادزخمی ہوگئے۔سرگودھا اجنالہ روڈ پر رسالہ نمبر 5 کے قریب تیز رفتار موٹر سائیکل سوار آپس میں ٹکر ا گئے جس کے باعث 17 سا لہ راحیل موقع پر جا ں بحق جب کہ اس ساتھی زخمی ہو گیا ۔جوہر کا لو نی چک 40 ریلو ے پھاٹک کے قریب ٹرین کی زد میں آ کر 35 سالہ شخص رحمان زندگی ہار گیا۔پولیس کے مطابق مر نے والا شخص ذہنی طور پر فٹ نہیں تھا ۔واقعہ کے بعد ٹرینو ں کی آ مد و ر فت کچھ دیر کے لئے معطل ہو گئی جسے بعد میں بحا ل کردیا گیا ۔راولپنڈی روڈ پر تیز رفتار کار اور موٹر سائیکل کے تصادم میں 45سالہ غلام خان اور 47سالہ فیض اﷲ، موضع جسوال میں موٹر سائیکل سلپ ہونے کے باعث الٹ جانے سے 16سالہ لڑکا مثال خان ، راولپنڈی روڈ پر چھبیل نالہ کے نزدیک آوارہ کتے کو بچاتے ہوئے 20سالہ نوجوان محمد سفیر زخمی ہو گیا۔ زخمیوں کو ہسپتال منتقل کر دیا گیا۔
فرمان الہی
نماز کے اوقات
