شیخوپورہ(نمائندہ جنگ)ٹریفک حادثات میں 3 افراد جاں بحق ہوگئے تھانہ اے ڈوثرن کے علاقہ سول لائن روڈ پر مقامی فیکٹری کی بس کے کنڈیکٹر 18سالہ شہباز چلتی بس پر سوار ہوتے ہوئے پاؤں پھسلنے کے باعث بس تلے آ کر کچلا گیا جسے مخدوش حالت کی بناء پر ہسپتال لایا گیا مگر وہ جانبر نہ ہو سکا،تھانہ مانوالہ کے علاقہ کوٹ وار میں تیز رفتار کا نے بے قابو ہو کر 22 سالہ موٹر سائیکل سوار عمیر کو ٹکر مار دی جس کے نتیجہ میں وہ زخموں کی تاب نہ لا کر جاں بحق ہو گیا ،تھانہ سٹی فاروق آباد کے علاقہ گرونانک پورہ میں سٹرک عبور کر نے والے 60سالہ شخص کو مسافر ویگن نے کچل دیا جس سے بزرگ موقع پر ہی جاں بحق ہو گیا ،تھانہ ہاؤسنگ کالونی کے علاقہ بائی پاس فاروق آباد روڈڈیمپر کی ٹکرلگنے سے موٹرسائیکل سوار ٹریفک پولیس کا کانسٹیبل محمدارشد شدید زخمی ہوگیا اوراس کی ایک ٹانگ کی ہڈی ٹوٹ گئی اسے ہسپتال پہنچادیا گیا وہ ڈیوٹی سے فارغ ہوکر گھر جارہا تھا۔
فرمان الہی
نماز کے اوقات
