شیخوپورہ (نمائندہ جنگ) دو ڈاکو بھکھی روڈ پر صدر مرکزی انجمن تاجران میاں پرویز کے بھتیجے میاں آصف کی مشروبات کے ڈپو پر آکر وہاں پر موجود میاں آصف کے چھوٹے بھائی میاں ثاقب سے 50ہزار روپے ،موبائل فون چھین کر فرار ہوگئے ڈاکوؤں نے ڈپو پر موجود تمام عملہ کو ایک کمرہ میں بند کردیا ۔لاہورروڈ کی آبادی ضیاء کالونی کوٹ عبدالمالک کے قریب دو ڈاکو نوجوان شکیل سے اسکی موٹرسائیکل 25ہزار روپے اور موبائل فون چھین کرفرار ہوگئے۔نین سکھ کے قریب واقعہ ایک شادی ہال کے باہر سے باراتی لیاقت کی کار چور لے گئے۔جی ٹی روڈ کی آبادی ظفر کالونی میں2 دوڈاکو سبحان علی سے 10ہزار روپے ،موبائل فون کے علاوہ کوکنگ آئل کا ڈبہ چھین کر فرار ہوگئے۔لاہور روڈ کے علاقہ خیرآباد میں سینٹری کے سامان کی دکان پر آنیوالے تین ڈاکو مالک ندیم سے 55ہزار روپے اور دوموبائل فون چھین کرفرار ہوگئے۔
فرمان الہی
نماز کے اوقات
