کراچی(اسٹاف رپورٹر) کراچی ہاکی ایسوسی ایشن نے بدھ کو کے ایچ اے ہاکی اسٹیڈیم میں ہونے والی پر وقار تقریب میں سنیئر اور جونیئر سطح پر23 کھلاڑیوں کو سینٹرل کنکٹریکٹ دیا، ملکی تاریخ میں پہلے بار کسی بھی ایسوسی ایشن نے کھلاڑیوں کے ساتھ مالی معاہدہ کیا ہے، اس موقع پر کے ایچ اے کے صدر ڈاکٹر جنید علی شاہ نے کھلاڑیوں کو معاہدے کے لیٹر حوالے کئے، جونیئر کیٹگیری میں اے میں چار کھلاڑیوں کو رکھا گیا ہے جن کو چھ ماہ کے دوران پانچ ہزار روپے ہر ماہ، بی میں شامل آٹھ کھلاڑیوں کو تین ہزار روپے فی کس دئیے جائیں گے، سینئر کیٹگیری میں شامل اے کیٹگیری کے تین کھلاڑیوں کو دس ہزار روپے اور بی میں شامل نو کھلاڑیوں کو سات ہزار روپے ہر ماہ دئیے جائیں گے، کے ایچ اے نے جن کھلاڑیوں کے ساتھ معاہدہ کیا ہے ان میں جونیئر اے کیٹیگری میں نعمان خان، تیمورشیخ، معیز، فہیم خان، بی کیٹیگری سعود ڈار، آعلیان سلیم، حماد، سلطان محمود، ساجدحسین، دوراب ڈار، سداظہیر، عارف اللہ، سینئر اے گیٹیگری میں علی مسرت ، اسدجاوید، ماجدخان بی کیٹگری میں فیاض خان، حماد راؤ، حنین خالد، فرید منصور، عمیرخان، اسماعیل خان، بدرالدین، ندیم اکرام، بابرسعادت شامل ہیں، کے ایچ نے درج ذیل کھلاڑیوں کے کے ڈی اے ہاکی ٹیم کے ساتھ ہونے والے معاہدے کی وجہ سے انہیں سینٹرل کنٹکریٹ میں شامل نہیں کیا ہے ان میں انس صدیقی، عبداللہ بخاری، رضوان خان، فیض خان، حسنین سولنگی، طحہ رضا، عون علی، فیصل رضا، ارسل اعجاز، عمران خان، احتشام احمد، علی حسن ، زونیر خان شامل ہیں۔
فرمان الہی
نماز کے اوقات
