کراچی ( نصر اقبال/ اسٹاف رپورٹر) قومی ہاکی ٹیم کے سابق کپتان اور موجودہ منیجر حنیف خان کے صاحب زادے انٹرنیشنل ہاکی پلیئر اذلان خان بھی کوچ بن گئے۔ پاکستان ہاکی فیڈریشن نے انہیں قومی وائٹس اور پی ایچ ایف ڈیولپمنٹ ٹیم کے کوچنگ اسٹاف میں شامل کرلیا ہے، دونوں ٹیموں کا تربیتی کیمپ ان دنوں جوہر ٹائون ہاکی اسٹیدیم لاہور میں جاری ہے، نیشنل ہاکی اسٹیدیم لاہور میں جاری کیمپ میں 75 کھلاڑی ایکشن میں ہیں، وائٹس ٹیم کے ہیڈ کوچ محمد ثقلین جبکہ ڈویلپمنٹ اسکواڈ کے کوچ ریحان بٹ ہیں۔ دونوں کیمپوں میں شریک کھلاڑیوں کو جدید ہاکی کی ٹریننگ دی جارہی ہے۔ کھلاڑیوں کی کمزوریوں کو دور کرنے کےلئے کوچز انہیں بھرپور محنت کرا رہے ہیں۔ کوچنگ اسٹاف میں اولمپئن محمد سرور اور عمران خان کو بھی رکھا گیا ہے۔
فرمان الہی
نماز کے اوقات
