سرگود ھا (نمائندہ جنگ) مسلم لیگ(ن) کے ضلعی صدر چوہدری شاہ نواز رانجھا نے صحافیوں سے گفتگو کرتے ہوئے کہا کہ وزیر اعلیٰ پنجاب شہبازشریف نے سرگودھا میں میٹروبس منصوبے کا اعلان کرکے عوام کے دل جیت لئے ہیں۔ طلبہ کے لئے اربوں روپے کے وظائف اُن کی تعلیم دوستی کا واضح ثبوت ہے۔ دورہ سرگودھا کے دوران وزیر اعلیٰ پنجاب میاں شہباز شریف نے سرگودھا میں میٹروبس سروس منصوبے کا اعلان کرکے سرگودھا کی تعمیروترقی کے لئے انقلابی اقدام اُٹھایا ہے۔ پنجاب حکومت نے ضلع بھر میں ترقیاتی کاموں کا جال بچھارکھا ہے جس سے عوام کی زندگی میں انقلابی تبدیلیاں رونماہوں گی ۔ ترقیاتی کاموں میں روڑے اٹکانے والے عوام کے سامنے بے نقاب ہوچکے ہیں اور آئندہ عام انتخابات میں اُن عناصر کو عوام بری طرح مسترد کردیں گے ۔مسلم لیگ(ن) آئندہ عام انتخابات میں ایک بار پھر واضح اکثریت سے کامیابی حاصل کرے گی ۔وزیر اعلیٰ شہبازشریف کے دورہ سرگودھا سے مخالفین کی نیندیں اُڑ گئی ہیں۔ ضلع سرگودھا کل کی طرح آج بھی مسلم لیگ(ن) کا مضبوط قلعہ ہے۔
فرمان الہی
نماز کے اوقات
