صوابی( نمائندہ جنگ)صوابی کی تحصیل رزڑ کے علاقہ شیوہ ، نارنجی اور پر مولی کے عوامی نمائندوں اور عوام نے پر مولی فیڈر پر کام شروع نہ کرنے اور ناجائز بلوں کے خلاف کرنل شیر کلے شیوہ آڈہ میں احتجاجی مظاہرہ کر کے صوابی مر دان روڈ کو بند کر دیا۔ مظاہرین سے ضلع کونسل صوابی کے اراکین حاجی محمد زاہد ‘افسر زیب ، بختیار خان ، ملک جان اکبر اور مولانا محمد نعیم حقانی وغیرہ نے خطاب کر تے ہوئے کہا کہ عوامی نمائندوں نے ضلع کونسل کے اجلاس میں پر مولی فیڈر پر کام شروع کرنے کے لئے قرار داد پیش کرنے کے علاوہ احتجاج کی دھمکی دی تھی لیکن اس کے باوجودفیڈر پر محکمہ واپڈا کے حکام نے کام شروع نہیں کیا جس کے خلاف مجبوراً عوام سڑکوں پر نکل آئے ۔اس دوران کچھ وقت کے لئے صوابی مردان روڈ پر ٹریفک بھی بند رہی۔ انہوں نے اعلان کیا کہ اگر نو مئی تک پر مولی فیڈر پر کام شروع نہ کیا گیا تو دس مئی کو بھر پور احتجاجی مظاہرہ کیا جائیگا۔
فرمان الہی
نماز کے اوقات
