گوجرانوالہ(نمائندہ جنگ)مزدوروں کے عالمی دن کے موقع پر پیپلز پارٹی ضلع و سٹی گوجرانوالہ کے زیراہتمام مشترکہ ریلی نکالی گئی جو ایمن آبادی گیٹ سے شروع ہو کر پرانے ریلوےسٹیشن پر آکر اختتام پذیر ہوئی ۔ریلی میں سینکڑوں کارکنوں نے شرکت کی جنہوں نے اس دن کی مناسبت سے جھنڈے اور بینرز اٹھا رکھے تھے اور گو نواز گو کے نعرے لگا رہے تھے ۔ریلی کی قیادت پی پی پی کے ضلعی صدر راؤ اکرام علی خان ،ضلعی جنرل سیکرٹری چودھری ارشاداللہ سندھو ،سٹی صدر لالہ اسداللہ پاپا ،شیخ اقبال ، ڈاکٹر شیر محمد علی انصاری ،مرزا اویس بیگ ،جاویدالحسن وڑائچ ،خالد حسین باجوہ،اقبال مہر ،الیاس نوید شہزاد ،ذوالفقار چیمہ ،رانا شہباز، شفقت رضا بھنڈر،آصف جٹ ، مبین خان،ذکاء اللہ بریار ،سیٹھ مشتاق ،مرزا طاہر بیگ ،مشتاق بادل و دیگر نے کی ۔ریلی سے خطاب کرتے ہوئے مقررین نے کہا کہ آج کی ریلی نے یہ ثابت کر دیا ہے کہ پیپلز پارٹی نہ صرف ملک کی سب سے بڑی عوامی سیاسی جماعت ہے بلکہ مزدوروں ،محنت کشوں اور کسانوں کی ترجمان اور نمائندہ جماعت بھی ہے۔
فرمان الہی
نماز کے اوقات
