کراچی (اسٹاف رپورٹر) پاکستان باکسنگ فیڈریشن کے سیکرٹری جنرل کرنل ناصر اعجاز نے کہا ہے کہ پاکستانی باکسرز اسلامک یکجہتی گیمز میں دو سے تین گولڈ میڈل حاصل کریں گے۔ ورلڈ کپ کیلئے اویس احمد کا کوالیفائی کرنا، پاکستانی باکسرز کا انٹرنیشنل باکسنگ کے ٹریک چڑھنے کے مترادف ہے۔ ان خیالات کا اظہار انہوں نے جنگ سے باتیں کرتے ہوئے کیا۔ پاکستانی اسکواڈ 10 رکنی ہے جس کے ہیڈ کوچ علی بخش، کوچ چوہدری طارق گجر اور منیجر گروپ کیپٹن اصغر اعوان ہیں۔ باکسرز میں49 ویٹ کیٹگری میں محب اللہ، 52 میں سید محمد آصف، 60 میں نعمت اللہ، 64 میں سلیمان بلوچ، 69 میں ارشد حسین، 75 میں تنویر احمد، اور 81 میں اویس احمد خان شامل ہیں۔ ناصر اعجاز کا کہنا ہے کہ پاکستانی باکسرز سات ویٹ کیٹگری میں حصہ لیں گے۔ انہوں نے کہا آئبا نے اسلامک گیمز کیلئے گیارہ سال بعد ہمارے ریفری جج کو اپنے پینل میں شامل کیا یہ بھی ہمارے لئے اعزاز ہے۔
فرمان الہی
نماز کے اوقات
