صوابی(نمائندہ جنگ )ضلع صوابی میں ٹریفک کے مختلف حادثا ت میں تین افراد جاں بحق اور دو زخمی ہو گئے۔ پولیس تھانہ صوابی کی رپورٹ کے مطابق مردان روڈ پر شگئی موڑ کے مقام پر ٹریکٹر کی ٹکر سے موٹر سائیکل سوار خورشید سکنہ سنگ بھٹی جاں بحق اورقمر علی سکنہ ڈھوک زخمی ہو گیا۔ شکری ٹوپی میں موٹر سائیکل کی ٹکر سے ایک راہ گیر محمد اسحاق سکنہ مرغز جاں بحق ہو گیا جب کہ صوابی ٹوپی روڈ پر باجا کے مقام پر موٹر سائیکل اور کار کے مابین تصادم کے نتیجے میں موٹر سائیکل سوار جاں بحق ہو گیا۔ کھنڈہ موڑ کے قریب موٹر سائیکل کھڈے میں گر جانے سے موٹر سائیکل سوار شدید زخمی ہو گیا۔
فرمان الہی
نماز کے اوقات
