پشاور(سٹی رپورٹر) ضلعی انتظامیہ نے چارسدہ روڈ اور رنگ روڈ پر مچھلی فروشوں کیخلاف کارروائیاں کرتے ہوئے صفائی کی ناقص صورتحال ‘ گرانفروشی اور باسی مچھلیوں کی موجودگی پر 6 مچھلی فروشوں کو گرفتار کرلیا ۔ ڈپٹی کمشنر پشاور ثاقب رضا اسلم کی ہدایت پر ایڈیشنل اسسٹنٹ کمشنربشیر احمد اور ایڈیشنل اسسٹنٹ کمشنر سہیل عزیز نے مشترکہ کارروائی کر تے ہوئے رنگ روڈ اور چارسدہ روڈ پر مختلف مچھلی فروشوں کا معا ئنہ کر تے ہوئے صفائی کی نا قص صورتحال، گرانفروشی اور باسی مچھلیوں کی موجودگی پر 6 مچھلی فروشوں کو گرفتار کر لیا جبکہ انہوں نے مزید کارروائی کر تے ہوئے ہشتنگری سے 12 قصائیوں کو گرفتار کیا جو گوشت کو سرکاری ریٹ سے زیادہ پر فروخت کر رہے تھے جبکہ ایڈیشنل اسسٹنٹ کمشنر طارق حسین اور ایڈیشنل اسسٹنٹ کمشنر جاوید انور کمال نے پشاور کے مختلف علاقوں سے دودھ کے نمونے حاصل کر کے تجزیئے کیلئے لیبارٹری بھجوا دیئے۔
فرمان الہی
نماز کے اوقات
