سکھر (بیورو رپورٹ) شکارپور کے قریبی علاقے مرزا پور کی رہائشی خاتون نے بااثر شخص کے مظالم کے خلاف سکھر پریس کلب کے سامنے احتجاجی مظاہرہ کرکے گھر کا قبضہ وا گزار کرانے کی اپیل کی ہے۔ مسماۃ پروچائی جتوئی نے اپنے بیٹے سیف اللہ کے ہمراہ احتجاجی مظاہرہ کیا۔ مذکورہ خاتون نے صحافیوں کو بتایا کہ میرا شوہر جمال الدین کینسر کے موذی مرض میں مبتلا ہے، میں لوگوں کے گھروں میں کام کاج کرکے اپنے بچوں کا پیٹ پالتی ہوں، علاقے کے بااثر شخص نے میرے گھر پر قبضہ کرکے ہمیں بے دخل کردیا ہے، میں اپنے بچوں اور بیمار شوہر کو لیکر کہاں جاؤں۔ انہوں نے پولیس کے بالا حکام سے اپیل کی کہ نوٹس لیکر گھر کا قبضہ وا گزار کراکر مجھے انصاف و تحفظ فراہم کیا جائے۔
فرمان الہی
نماز کے اوقات
