بہاول پور (سٹی رپورٹر) چیف منسٹر ٹیلنٹ ہنٹ پروگرام کے سلسلہ میں ڈویژنل سطح پر مصوری کے مقابلہ میں پہلی پوزیشن حنین آصف، دوسری شکیل گل اور تیسری پوزیشن سعدیہ قریشی نے حاصل کی۔ انہیں بالترتیب ڈیڑھ لاکھ روپے، ایک لاکھ روپے اور75 ہزار روپے کے چیک تقسیم کیے گئے جبکہ دس دس ہزار روپے کے حوصلہ افزائی کے انعامات مقابلہ میں شریک دس افراد کو دیئے گئے۔اس سلسلہ میں بہاول پور آرٹس کونسل میں ایک تقریب منعقد ہوئی جس میں ریذیڈنٹ ڈائریکٹر آرٹس کونسل رانا اعجاز محمود، افضل جہانگیر، غلام حسین، لیکچرار مس زہرہ، پروگرام آفیسر آرٹس کونسل سلیم قیصر اور شائقین نے شرکت کی۔ریذیڈنٹ ڈائریکٹر آرٹس کونسل رانا اعجاز محمود نے بتایا کہ اس مقابلہ میں حوصلہ افزائی کا انعام دس دس ہزار روپے لینے والوں میں محمد ساجد، بشریٰ اسلم، شیریں نذیر، ردا طارق، مریم ضیا، انیقہ تبسم، محمد طیب جبار، انعم طارق، عارفہ العروج اور بشریٰ حسن کے نام شامل ہیں۔
فرمان الہی
نماز کے اوقات
