سیالکوٹ میں سحری کے وقت لوڈشیڈنگ ہونے سے گھر والوں نے چائے میں چینی کے بجائے کھاد ملا دی ، زہریلی چائے پینے سے دو افراد کی حالت تشویشناک ہونے کے باعث ڈی ایچ کیو اسپتال گوجرانوالہ منتقل کر دیا گیا ۔
سمبڑیال کے علاقہ پیجوکی کے رہائشی دو افراد حق نواز اور غلام فرید کو بے ہوشی کی حالت میں ڈسٹرکٹ ہیڈ کوارٹر اسپتال لایا گیا جہاں متاثرہ افراد کے لواحقین نے میڈیا کو بتایا کہ سحری میں کھانا کھانے کے دوران بجلی بند ہوگئی اور اندھیرے میں گھر والوں نے چائے بناتے ہوئے چینی کے بجائے غلطی سے کھاد ملا دی۔
کھاد ملنے سے چائے زہریلی ہو گئی جسے پیتے ہی دونوں افراد کی حالت غیر ہو گئی متاثرہ افراد کو سمبڑیال کے نجی اسپتال لے جایا گیا جہاں سے تشویشناک حالت کے باعث اب انہیں ڈی ایچ کیو اسپتال لے کر آئے ہیں ۔
ڈاکٹرز کے مطابق متاثرہ افراد کو طبی امداد دی جا رہی ہے۔
فرمان الہی
نماز کے اوقات
