میرپورخاص(نامہ نگار)میرپورخاص میں گھرمیں گیس سیلنڈرپھٹنے سے 4خواتین سمیت 6افراد زخمی ہوگئے۔زور دار دھماکے سے علاقے میں خوف وہراس پھیل گیااور لوگ گھروں سے نکل آئے۔اطلاعات کے مطابق میرپورخاص کے علاقے محمودآباد میں جمعرات کی دوپہر ایک گھر میں اچانک زور دار دھماکے سے گیس سیلنڈر پھٹ گیا۔دھماکہ اتنا زور دار تھا کہ اس کی آواز دور دور تک سنائی دی جس سےعلاقے میں شدید خوف وہراس پھیل گیا اور لوگ بڑی تعداد میں گھروں سے باہر نکل آئے ۔اطلاع ملنے پر پولیس بھی موقع پر پہنچ گئی ،دھماکے سے 4خواتین سمیت 6افراد جن میں 35سالہ قسیم احمد،5سالہ آمنہ،33سالہ شبنم،22سالہ صفیہ اور 6سالہ فصیح شامل ہیں زخمی ہوگئے جنہیں سول اسپتال میرپورخاص پہنچا دیا گیا جہاں انہیں ابتدائی طبی امداد دے کر حیدرآباد روانہ کردیا گیا۔
فرمان الہی
نماز کے اوقات
