گجرات(نمائندہ جنگ) ڈکیتی و چوری کی 12 مختلف وارداتوں میں نقدی، زیورات، موبائل فونز، کبوتر اور مال مویشی لوٹ لیے گئے، کنجاہ کے گاؤں لوکڑی ملاں سے ڈاکو حمید اللہ سے نقدی، طلائی زیورات اور موبائل فون وغیرہ، صدر جلالپورجٹاں کے گاؤں ٹھمکہ سے 2 ڈاکو احسان اللہ سے نقدی اور موبائل فون وغیرہ چھین کر لے گئے، سول لائن گجرات کے علاقہ خورشید کالونی سے شہریار وغیرہ 3 افراد عمر آصف کے گھر سے نقدی، زیورات، موبائل فونز وغیرہ،سول لائن ہی کے علاقہ نارووالی سے عامر مختار نے عزیر حسین، شعیب اختر اور محمد اسماعیل کے گھروں سے کبوتر اور نقدی وغیرہ،لاری اڈا گجرات کے علاقہ مکہ کالونی سے یونس وغیرہ 5 افراد محمد ارشد کے بھائی کے گھر سے 3 تولے طلائی زیورات اور50ہزارروپے نقدی وغیرہ، ڈنگہ کے گاؤں بجاڑوالہ سے چور قیصر شہزاد کی دکان سے سامان وغیرہ، ڈنگہ سے شاہد محمود کی دکان سے اس کا ملازم سرفراز احمد 12تولے طلائی زیورات وغیرہ چوری کرکے لے گئے، رحمانیہ کے گاؤں مراڑیاں سے محمد آصف وغیرہ 5 افراد قمر عباس کے بھٹہ خشت سے 4لاکھ50ہزارروپے نقدی اور گھوڑے ریڑھے وغیرہ، سٹی لالہ موسیٰ کے علاقہ سردار پورہ سے محمود اختر وغیرہ 3افراد محمد حنیف الرحمان کا بکرا اور بکری وغیرہ جبکہ تھانہ کنجاہ کے گاؤں لنگے سے نامعلوم چور امانت علی کے ڈیرہ سے بھینس وغیرہ چوری کرلے گئے، پولیس نے مقدمات درج کرلیے۔
فرمان الہی
نماز کے اوقات
