کراچی (اسٹاف رپورٹر) ایشین جونیئر اسکواش چیمپئن شپ 15 سے 19 اگست تک اردن میں ہوگی جس میں بوائز/ گرلز انڈر 13، انڈر 15، انڈر 17 اور انڈر 19 کیٹگریز میں مقابلے ہوں گے۔ پاکستان اسکواش فیڈریشن نے تمام صوبائی ایسو سی ایشنوں کو ہدایت کی ہے کہ وہ ایونٹ میں شرکت کیلئے کھلاڑیوں کے ٹرائلز لیں اور ہر کیٹگری میں مقابلوں کیلئے دو کھلاڑی کو منتخب کرکے فیڈریشن کو ان کے نام بھیجیں جس کے بعد پی ایس ایف کھلاڑیوں کے حتمی ٹرائلز منعقد کرائے گی۔ سندھ اسکواش ایسو سی ایسوسی ایشن کے سیکرٹری راشد احمد نے ایشین جونیئر اسکواش چیمپئن شپ کیلئے کھلاڑیوں کے ٹرائلز 7 اور 8 جون کو پی ایس ایف جہانگیر خان اسکواش کمپلکس اور ایس سی سی کراچی میں منعقد کرانے کا اعلان کیا ہے۔ ٹرائلز میں دلچسپی رکھنے والے کھلاڑی ہیڈ کوچ مقبول شاہ سے رابطہ کریں۔
فرمان الہی
نماز کے اوقات
