فرمان الہی
نماز کے اوقات
میرپورخاص(نامہ نگار ) میرپورخاص کے پرعزم اور باہمت خصوصی نوجوانوں کے اپنے معذور ساتھیوں کی بحالی اور انہیں عید کی خوشیوں میں شریک کرنے کے لئے عملی اقدامات ،متعدد خصوصی مردوں اور خواتین میں عید گفٹ کے علاوہ سلائی مشینیں ، ویل چیئر اور ٹرائی سائیکلیں تقسیم کی گئیں ۔خصوصی افراد کی تنظیم گلستان ِ معذورین کی جانب میرپورخاص،عمرکوٹ اورتھرپارکر کے معذور افراد میں امدادی سامان اور عید گفٹ تقسیم کرنے کے لئے گاما اسٹیڈیم میرپورخاص میں ایک سادہ لیکن پروقار تقریب کا اہتمام کیا گیا۔ تقریب سےڈپٹی کمشنر میرپورخاص زاہد حسین میمن نے خطاب کرتے ہوئے کہ انہیں یہ دیکھ کر بڑی خوشی ہوئی ہے کہ ہنرمند با صلاحیت نوجوان جو خود مختلف جسمانی معذوری کا شکار ہیں اپنی مددآپ کے تحت دوسرے خصوصی نوجوانوں کو مختلف ہنر کی مفت تعلیم دے رہے ہیں ان کا یہ جذبہ قابل تحسین ہے۔ تقریب سے چیئرمین میونسپل کمیٹی میرپورخاص فاروق جمیل درانی،کشن چند پاروانی، محمد خاصخیلی،اے ایس پی سٹی آصف ، عرفانہ باجوہ، مسعود باجوہ اورکامران میمن آفاق احمد خان ،عبدالحفیظ سور ہیونے خطاب کرتے ہوئے کہا کہ میرپورخاص این جی اوز اورآموں کی وجہ سے سے پہلے ہی مشہور ہے اور اب گلستان معذورین بھی میرپورخاص کی شناخت بن گیا ہے۔
