فرمان الہی
نماز کے اوقات
کراچی (اسٹاف رپورٹر)ڈسٹرکٹ سینٹرل اور ڈسٹرکٹ ملیر نے فائیو اے سائیڈ ہاکی ٹورنامنٹ کے فائنل میں رسائی حاصل کرلی ہے۔ کراچی ہاکی ایسوسی ایشن کے زیر اہتمام پہلے سیمی فائنل میں ڈسٹرکٹ سینٹرل نے سائوتھ کو7-13 سے شکست دیدی، فاتح ٹیم کی جانب سے علی مسرت نے چار گول اسکو کئے جبکہ محمد علی ، ابرار خان اور عمران خان نے دو دو اور انس صدیقی، محمد عمران اور اسد جعفری نے ایک، ایک گول بنایا۔ شکست خوردہ ٹیم کے سبطین رضا نے تین، محمد شرجیل نے دو محمد رضوان اور سولنگی نے ایک ، ایک گول پر اکتفا کیا۔ دوسرے سیمی فائنل میں ڈسٹرکٹ ملیر نے کورنگی کو 6-10سے مات دی۔ فاتح ٹیم کے عاصم خان نے پانچ، رضوان خان نے چار اور عدنان ذاکر ایک گول بنایا۔ کورنگی کی جانب سے ارسلان حیدر نے تین اویس خان نے دو اور طلحہ غوری نے ایک گول اسکو کیا۔
