فرمان الہی
نماز کے اوقات
چارسدہ (نمائندہ جنگ)خانمائی میں چلتی آئل ٹینکر میں آگ بھڑک اٹھی جس سے آئل ٹینکر مکمل طور پر خاکستر ہو گیا۔ ریسکیو اور فائر بریگیڈ ٹیموں نے آگ پر قابو پالیا ۔ تھانہ خانمائی کے علاقہ شاخ نمبر 6میں آئل ٹینکر کی بیٹری میں شارٹ سرکٹ سے اچانک آگ بھڑک اٹھی ۔ ڈرائیور نے حاضر دماغی سے کام لیکر ٹینکر کو قریبی نہر میں گرانے کی کوشش کی تاہم وہ ناکام رہا ۔ پولیس نے اطلاع ملتے ہی جائے وقوعہ سے لوگوں کو ہٹا کر فائر بریگیڈ اور امدادی ٹیموں کو طلب کیا ی ۔ ٹینکر میں موجود 4ہزار لیٹر پٹرول اور ٹینکر مکمل طور پر خاکستر ہو گیا ۔ فائر بریگیڈ کی ٹیموں نے جائے وقوعہ پر آگ بجھائی جس کی وجہ سے کسی قسم کا جانی نقصان نہ ہوا۔
