فرمان الہی
نماز کے اوقات
کوئٹہ(نمائندہ جنگ) تربت میں سیکورٹی فورسز کی چیک پوسٹ پرموٹرسائیکل سواروں نے فائرنگ کر دی ، جوابی کارروائی پر حملہ آور فرار ہو گئے جبکہ ایک راہگیر زخمی ہو گیا ۔ ایک اور واقعے میں ڈیرہ بگٹی میں سیکورٹی فورسز کی گاڑی بارودی سرنگ سے ٹکرا گئی۔
دھماکے سے گاڑی کو نقصان پہنچا سیکورٹی ذرائع کے مطابق تربت کے علاقے ناصر آباد میں سیکورٹی فورسزکی چیک پوسٹ پر منگل کی شب نامعلوم موٹر سائیکل سواروں نے فائرنگ کی سیکورٹی فورسز کی بروقت جوابی کارروائی پر حملہ آور قریبی پہاڑوں پر فرار ہو گئے تاہم ایک راہگیر نواز زخمی ہو گیا سیکورٹی فورسز نے علاقے کو گھیرے میں لے کر زخمی کو ہسپتال پہنچایا ۔ ایک اور واقعے میں ڈیرہ بگٹی کے علاقے پیرکوہ میں سیکورٹی فورسز کی ایک گاڑی بارودی سرنگ سے ٹکرا گئی۔ دھماکے سے گاڑی کو جزوی نقصان پہنچا تاہم کوئی جانی نقصان نہیں ہوا۔
