بہاولپور(ڈسٹرکٹ رپورٹر)بہاول پورپولیس کاصدر بہاول پور اورسرکل احمدپور شرقیہ کے مختلف علاقوں میں سرچ آپریشن، 91افراد سے پوچھ گچھ تفصیل کے مطابق نیشنل ایکشن پلان کے تحت ڈسٹرکٹ پولیس آفیسر کی ہدایت پر سرچ آپریشن کیا گیا۔ سرچ آپریشن دونوں سرکلز کے ایس ڈی پی اوز کی زیر نگرانی پولیس کی نفری کے ذریعے کیا گیا۔ لیڈی پولیس اہلکاروں کے ذریعے گھروں کی تلاشی لی گئی۔ سرچ آپریشن کے دوران بائیومیٹرک ڈیوائس کے ذریعے افراد کی تصدیق کی گئی۔سرچ آپریشن موضع گدپور عباس نگر، خانقاہ شریف، محلہ فتانی اورمحلہ نورشاہ بخاری اور احمدپور شرقیہ کے قرب و جوار میں کیا گیا۔دوران سرچ آپریشن تھانہ سٹی احمد پور شرقیہ پولیس نے مخبر کی اطلاع پر محبت پورہ باغ کے قریب سے اسلم کو گرفتار کرکے اس قبضہ سے 40لیٹر دیسی شراب معہ دو چالوبھٹیاں برآمدکرلیں۔ تھانہ سمہ سٹہ پولیس نے مخبرکی اطلاع پر شہاب پل سے محمد صابر کو گرفتارکرکے اس کے قبضہ سے دو گیس سلنڈر معہ فلنگ مشین برآمد کرلی۔ تھانہ سٹی احمد پور شرقیہ اورتھانہ سمہ سٹہ پولیس نے دونوں گرفتار ملزمان کے خلاف مقدمات درج کرلئے ۔
فرمان الہی
نماز کے اوقات
