پشاور(کرائم رپورٹر)تھانہ بھانہ ماڑی کے علاقے کوہاٹ اڈہ میں نامعلوم مسلح افراد نے خیبر ایجنسی کے رہائشی نوجوان کو فائرنگ کرکے قتل کردیا ۔قاتل واردات کے بعد فرار ہونے میں کامیاب ہوگئے ۔جاوید سکنہ باڑہ نے رپورٹ درج کرتے ہوئے پولیس کو بتایا کہ جمعرات کے روز اس کا بہنوئی شوکت خان ولد مروت خان سکنہ باڑہ خیبر ایجنسی کسی کام کی غرض سے پشاور آیا ہوا تھا جہاں کوہاٹ اڈہ کے قریب نامعلوم افراد نے اس پر اندھا دھند فائرنگ کردی جس کے نتیجہ میں وہ متعدد گولیاں لگنے سے موقع پر ہی جاں بحق ہوگیا جبکہ حملہ آور واردات کے بعد فرار ہوگئے مدعی کے مطابق ان کی کسی کے ساتھ کوئی دشمنی یا عداوت نہیں ہے۔ پولیس نے پوسٹ مارٹم کے بعدنعش ورثاءکے حوالے کردی۔ جبکہ مقدمہ درج کرکے مزید تفتیش شروع کردی ہے۔
فرمان الہی
نماز کے اوقات
