فرمان الہی
نماز کے اوقات
کراچی (اسٹاف رپورٹر) آل پاکستان فیڈریشن کپ فٹ بال ٹورنامنٹ یکم سے 18 اگست تک چمن کی عیسی خان فٹ بال اکیڈمی میں ہوگا۔ قومی ٹیم کے سابق کپتان اور کے الیکٹرک کے کوچ عیسی خان نے جنگ سے باتیں کرتے ہوئے بتایا کہ پاکستان فٹ بال فیڈریشن (فیصل صالح حیات) کی اجازت سے ہونے والے ٹورنامنٹ میں 16 ٹیمیں شرکت کریں گی جن میں سے13 ٹیموں نے ایونٹ میں شرکت کی تصدیق کردی ہے جن میں آٹھ ڈپارٹمنٹس کی ٹیمیں شامل ہیں۔ دو ٹیمیں اسٹینڈ بائی میں رکھی گئی ہیں۔ لیگ کی بنیاد پر ہونے والے ٹورنامنٹ میں چار چار ٹیموں کے چار گروپ بنائے جائیں گے جن میں سے ہر گروپ سے دو ٹیمیں ناک آئوٹ مرحلے کیلئے کوالیفائی کریں گی۔ عیسی خان کا کہنا تھا کہ کوشش ہے کہ بلوچستان میں فٹ بال کی زیادہ سے زیادہ سرگرمیاں ہوں تاکہ نوجوانوں بچوں منفی سرگرمیوں سے سے الگ کرکے فٹ بال کی جانب راغب کیا جائے۔
