راولپنڈی (نمائندہ جنگ) آئندہ انتخابات میں بھرپور کامیابی کیلئے پارٹی ورکرز اپنی جدوجہد تیز کر دیں۔ کراچی اور گلگت کے ضمنی الیکشن میں کامیابی نے مخالفین کے دعوئوں کی نفی کر دی ہے‘ آنے والے انتخابات میں بھی عوام پیپلز پارٹی کے ہی حق میں فیصلہ دینگے۔ ان خیالات کا اظہار پارٹی چیئرمین بلاول بھٹو زرداری نے راولپنڈی سٹی کے عہدیداران سے ملاقات کرتے ہوئے کیا۔ سٹی صدر بابر سلطان جدون‘ جنرل سیکرٹری چوہدری افتخار‘ سینئر نائب صدر جمیل اختر قریشی‘ سیکریٹری اطلاعات ناصر میر‘ نائب صدور ذوالفقار احسن ملک‘ آغا ثاقب سردار قدوس‘ عرفان حیدر‘ ایڈیشنل سیکرٹری ذیشان مہدی‘ جوائنٹ سیکرٹری بنارس چوہدری‘ ڈپٹی سیکرٹری اطلاعات ایاز خان پپو‘ فنانس سیکرٹری چوہدری فرخ ملک ایوب ناصر کاظمی‘ راجہ یعقوب‘ زاہد شاہ اور رانا شوکت موجود تھے۔ بلاول بھٹو کو 13اگست کو محترمہ کی جائے شہادت پر ہونیوالی جشن آزادی کے جلسہ میں شرکت کی دعوت بھی دی گئی۔ دریں اثناء بلاول بھٹو زرداری نے ملک ظہیر ارشد کی قیادت میں پیپلز پارٹی کینٹ کے وفد سے ملاقات کی۔ اس موقع پر صدر پیپلز پارٹی پنجاب قمرزمان کائرہ‘ پنجاب کے سیکرٹری انفارمیشن مصطفیٰ نواز کھوکھر بھی موجود تھے۔ قمرزمان کائرہ نے کہا کہ پیپلز پارٹی کی تنظیموں نے کم وقت میں پارٹی کو مضبوط کیا ہے جو قابل ستائش ہے۔
فرمان الہی
نماز کے اوقات
