راولپنڈی (وسیم اختر،سٹاف رپورٹر) راولپنڈی پولیس میں ایس پی کی ایک ڈی ایس پی کی 17اورانسپکٹرکی 50اسامیاں خالی ہیں ۔ذرائع کے مطابق راولپنڈی پولیس کوعام نفری کے علاوہ افسروں کی بھی کمی کاسامناہے ۔اس حوالے سے ایس پی انوسٹی گیشن کی ایک اسامی کے علاوہ ڈپٹی سپرنٹنڈ نٹ آف پولیس کی سترہ سیٹیں جن میں ڈی ایس پی کوٹلی ستیاں ، ڈی ایس پی ہیڈکوارٹرز،ڈی ایس پی آرگنائزڈکرائم ون ، ڈی ایس پی آرگنائزڈکرائم ٹو، ڈی ایس پی سی آراو، ڈی ایس پی انوسٹی گیشن کی 3،ڈی ایس پی وی وی آئی پی سیکیورٹی کی 3،ڈی ایس پی لیگل کی 3،ڈی ایس پی ایڈمن ، ڈی ایس پی سیکیورٹی اورڈی ایس پی ایم ٹی پولیس لائنزشامل ہیں خالی ہیں جب کہ راولپنڈی ضلع کے لئے انسپکٹرکے عہدے کی 50 سب انسپکٹرکی 9اے ایس آئی کی 4،ہیڈکانسٹیبل کی 139اورکانسٹیبل کی 66اسامیاں بھی خالی ہیں ۔یہاں یہ امربھی قابل ذکرہے کہ کچھ عرصہ قبل پنجاب حکومت نے راولپنڈی پولیس کی منظورشدہ نفری میں ایک ہزار34اہلکاروں کی کمی کردی تھی ۔
فرمان الہی
نماز کے اوقات
