فرمان الہی
نماز کے اوقات
عوامی مسلم لیگ کے سربراہ شیخ رشید کو اپنے حامی کی محبت پسند نہ آئی ، منہ چومنے پر برا مان گئے ،اتنے غصے میں آئے میں کہ اپنے چاہنے والے کو دور دھکیل دیا ۔
پاناما فیصلے میں نوازشریف کی نااہلی کے لئےسرگرم شیخ رشید جلسے جلوسوں میں برجستہ جملوں ، غیر روایتی ایکشن اورتیکھے تبصروں کیلئے مشہور ہیں ،لیکن وہ اس وقت مشکل میں پڑگئے جب ان کا ایک چاہنے والا ان کے گلے پڑگیا ۔
شیخ رشید جب پاناما کیس کا غیر روایتی فیصلہ سننے کے بعد عدالت سے باہر نکلتے ہوئے خوشی سے پھولے نہیں سمارہے تھے توان کا ایک مداح ہجوم کو چیرتا ہوا آگے بڑھااور خوشی سے ان کا منہ چوم لیا،لیکن شاید شیخ رشید کو یہ ادا پسند نہ آئی اور غصے سے ان کاچہرہ سرخ ہوگیا،انہوں نے مداح کو پیچھے دھکیلا اور اپنا چہرہ ہاتھ سے صاف کیا۔
یہ شیخ صاحب کا اپنے مداح کے ایکشن پر فوری ری ایکشن تھا ،لیکن ایک زمانہ وہ بھی تھا جب نواز شریف کے کچھ اسی طرح کے ایکشن کا شیخ رشید برا نہیں منایا کرتے تھے،یہی نہیں بلکہ اپنی خوشی کا بھی برملا اظہار اسی طرح کرتے تھے۔
