فرمان الہی
نماز کے اوقات
پاکستانی باکسر محمد وسیم نے آج دوسری رینکنگ فائٹ میں پاناما کے باکسر ایون ٹریجوس کو تیسرے راؤنڈ ناک آؤٹ کردیا۔
کوئٹہ سےتعلق رکھنےوالےمایہ ناز پاکستانی باکسر محمدوسیم نے ڈبلیو بی سی کےتحت انٹرنیشنل رینکنگ فائٹ میں کامیابی حاصل کرکے فلائٹ ویٹ کی عالمی رینکنگ میں نمبرون ہونےکااعزاز برقراررکھا۔
یہ خبر بھی پڑھیے: محمدوسیم نےڈبلیو بی سی رینکنگ ٹائٹل فائٹ جیت لی
ورلڈ باکسنگ کونسل کےتحت انٹرنیشنل رینکنگ فائٹ پاناما میں ہوئی،جہاں پاکستانی فلائی ویٹ باکسر محمد وسیم کامقابلہ پاناماکےباکسرایون ٹریجوس سےتھا۔
رینکنگ فائٹ آٹھ راؤنڈپرمشتمل تھی تاہم محمدوسیم نے اپنے مخالف باکسر کو تیسرے راونڈ میں ہی ناک آوٹ کرکےچت کردیا۔
محمدوسیم پہلےراؤنڈ سے ہی چھائےرہے اور شروع ہی سے کافی پراعتماد نظرآئے، اس جیت کے بعد محمد وسیم نے پروفیشنل کیریئرمیں ناقابل شکست ہونےکااعزازبرقراررکھا، پاکستانی باکسر نے اب تک پروفیشنل کیریئر میں سات فائٹس کھیلی ہیں اور تمام فائٹس میں ناقابل شکست رہے ہیں۔
اس سے قبل رواں ماہ ایک اور رینکنگ فائٹ میں محمدوسیم نے کامیابی حاصل کی تھی، محمدوسیم نے پاناما کے ہی باکسرویلڈیزکودوسرے راؤنڈ میں ناک آوٹ کردیاتھا۔
محمد وسیم 2 بار ورلڈ باکسنگ کونسل کے سلور ٹائٹل جیت چکے ہیں۔
میچ سے قبل محمد وسیم نے کہنا تھا کہ دوسری رینکنگ فائٹ کے بعد کوچز فیصلہ کریں گے کہ وہ ورلڈ ٹائٹل کے لئے مکمل تیار ہیں یا پھر انہیں مزید پریکٹس فائٹ کی ضرورت ہے۔
