فرمان الہی
نماز کے اوقات
کراچی(اسٹاف رپورٹر) پاکستان ہاکی فیڈریشن نے اپنی ہوم سیریز کے لئے اسکاٹ لینڈ کو نیوٹرل وینو بنالیا ہے اس سلسلے میں پی ایچ ایف نےاسکاٹ لینڈ ہاکی حکام کے ساتھ تین سالہ معاہدہ بھی کیا ہے،جس کے تحت پی ایچ ایف نے ایف آئی ایچ سے بڑے ایونٹ کی میزبانی بھی مانگنے کا فیصلہ کیا ہے۔ اس معاہدے کے تحت پاکستان ہاکی ٹیم ہوم سیریزنیوٹرل وینیواسکاٹ لینڈ میں کھیلے گی، پی ایچ ایف نے سرفہرست ٹیموں سے دوطرفہ سیریز کے لیے خطوط بھی لکھے ہیں۔
ذرائع کے مطابق پی ایچ ایف حکام کی کوشش ہے کہ مستقبل قریب میں پاکستان جونیئر ہاکی ٹیم کو کسی ایشیائی ملک کا دورہ کرایا جائے، اس مقصد کیلئے بحرین ہاکی فیڈریشن سے رابطہ کیا جائے گا۔ ذرائع کے مطابق میزبان ملک کی طرف سے تصدیق کی صورت میں قومی جونیئر ہاکی ٹیم مسقط میں بحرین کے خلاف چار سے پانچ میچوں کی سیریز میں حصہ لے گی۔
