فرمان الہی
نماز کے اوقات
کراچی (اسٹاف رپورٹر) جونیئر کھلاڑیوں کی تلاش کےلیے پی ایچ ایف نے ملک کے مختلف شہروں میں مختلف سلیکٹرز پر مشتمل سیکشن کمیٹی کے ذریعے ٹرائلز کرائے جس میں 575 کھلاڑیوں نےحصہ لیاجس کے بعد 116 کھلاڑیوں کو شارٹ لسٹ کیا گیا ہے۔ حتمی ٹرائلز لاہور میں ہوں گے ، سلیکشن کمیٹی طاہر زمان، قمر ابراہیم اور احسان اللہ پر مشتمل ہے پہلے مرحلے میں 116 کھلاڑیوں میں سندھ بلوچستان سے 27 کھلاڑیوں کا انتخاب کیا گیا جن میں خورشید احمد، عون علی (گول کیپرز) عبدالمعیز ایم طلحہ، ایم عثمان، اسامہ رضوان ، بابر سعادت، یاسر علی ، فرخ علی، فہیم خان، نعمان علی خان، عقیل خان، عبداللہ بخاری، شاہ زیب خان، احمد ایاز، عزیراسلم، ایم عدنان،سمیر اختر، عبدالوہاب، ارباب ارسلان رضی اور سردار خان شامل ہیں۔ پہلے مرحلے میں لاہور سے 35، مردان سے 34 ، بنوں سے 20 کھلاڑیوں کا انتخاب کیا گیا۔
