سبی(نامہ نگار)سبی سکائوٹس کے زیر اہتمام جشن آزادی کے موقع پر سبی، جعفر آباد، نصیر آباد، بولان، کچھی، بختیار آباد، بھاگ، لہڑی، میں تقریبات شایان شان اور ملی جوش وخروش سے منایا جائے گا جوانوں کے ساتھ ساتھ مسافروں کو بھی جشن آزادی کی خوشیوں میں شامل کیا جائے گا قومی شاہراہ پر کولپور سے لیکر ڈیرہ اللہ یار تک روڈ کے کنارے ایف سی کی چوکیوں پر بھی جشن آزادی کی تقریبات ہوں گی تمام عمارتوں پر سبز ہلالی پرچم اور جھنڈے لگائے جائیں گے ایف سی کے ترجمان نے کمانڈنٹ سبی سکائوٹس کی جانب سے ایک پیغام میں کہا کہ وطن عزیز کی سرحدوں کی حفاظت کے ساتھ ساتھ دیگر مثبت سرگرمیوں میں بھی ہمارے جوان سب سے آگے ہیں پاکستان ایک خداداد مملکت ہے ہم زندہ و آزاد قوم ہیں ہمیشہ کی طرح اس سال بھی جشن آزادی کی تقریبات شایان شان طریقے سے منائی جائیں گی بلوچستان کے کونے کونے میں قومی پرچم لہرائے جائیں گے آئی جی ایف سی بلوچستان میجر جنرل ندیم احمد انجم کی خصوصی ہدایت پر سبی،نصیر آباد، جعفرآباد، بھاگ، لہڑی، مچھ، کوہلو، ڈیرہ بگٹی، تلی، بختیار آباد ودیگر علاقوں میں خوبصورت تقاریب ہوں گی کھیلوں کے مقابلے ہوں گے ۔
فرمان الہی
نماز کے اوقات
