پشاور(این این آئی)وزیرِ اعلیٰ کے معاونِ خصوصی برائے ٹرانسپورٹ ملک شاہ محمد خان وزیر نے کہا ہے کہ پاکستان تحریکِ انصاف کی بڑھتی ہوئی مقبولیت مُٹھی بھر شکست خوردہ عناصر کیلئے ایک ڈرائونا خواب ثابت ہو رہاہے اس لئے یہ عناصر اوچھے ہتھکنڈوں پر اتر آئے ہیں ۔ انہوں نے کہا کہ گزشتہ روز ان کے نام سے منسوب عوام کی طرف سے لگائے گئے بورڈ کو اکھاڑ کر سڑک بلاک کرکے چند افراد نے تعصب پھیلانے کی مذموم کوشش کی لیکن یہ چند عناصر اپنی اس ناپاک کوشش میں کامیاب نہیں ہونگے۔ بنوں میں انصاف سٹوڈنٹس فیڈریشن کے کارکنوں اور عہدیداروں سے خطاب کر تے ہوئے انہوں نے کہا کہ پاکستان تحریکِ انصاف کے کارکن صبر کا دامن ہاتھ سے نہ جانے دیں اور آئینی اور قانونی طور پر ہم اپنا دفاع کریںگے۔ انہوں نے کہا کہ شکست خوردہ اور عوامی خدمت سے عاری موقع پرست عناصر کی ڈوریں اسلام آباد سے ہلائی جارہی ہیں کیونکہ عوام میں پی ٹی آئی ایک مضبوط قوت کے طور پر سامنے آئی ہے۔
فرمان الہی
نماز کے اوقات
