بھارت میں بیک وقت تین طلاق کے عدالتی فیصلے کا بالی ووڈ میں خیر مقدم

23 اگست ، 2017

بھارتی سپریم کورٹ کی جانب سےبیک وقت تین طلاقوں سے متعلق فیصلے کا بالی ووڈ فنکاروں نے بھی خیر مقدم کیا ہے ۔ رشی کپور، دیامرزا، شبانہ اعظمی ،انوپم کھیر، مدھر بھنڈار اور دیگر کئی فنکاروں نے سوشل میڈیا پر اس فیصلے کا کھلے الفاظ میں خیر مقدم کیا ہے۔

کچھ اداکاروں نے اس فیصلے کو خواتین کی جیت تو کچھ نے اسے تاریخی فیصلہ قرار دیا جبکہ کچھ نے اسے جمہوریت کی جیت اور خودمختاری سے تشبیہ دی۔

رشی کپور نےتین طلاقوں پر پابندی کے فیصلے پر کئی ٹویٹس کرڈالے ۔انہوں نے خواتین کو مبارکباد پیش کرتے ہوئےاپنی 1982 میں ریلیز ہونے والی فلم ’پریم روگ‘ کا حوالہ بھی دیا۔

اس فلم میں بیوہ کی شادی اور حکومت کی جانب سے طلاق کے نظام کو ختم کرنے سے متعلق آواز اٹھائی گئی تھی ۔

I welcome the Supreme Court judgement on instant Triple Talaq. Its a victory 4 brave Muslim women who hve waged battle against it for years
— Azmi Shabana (@AzmiShabana) August 22, 2017

اداکارہ شبانہ اعظمی نے بھی فیصلے کا خیرمقدم کرتے ہوئے ٹوئٹ کیا کہ’ وہ سپریم کورٹ کی جانب سے بیک وقت تین طلاقوں سے متعلق فیصلے کا خیرمقدم کرتی ہیں، یہ ان بہادر خواتین کی جیت ہے جنہوں نے اس کے لیے کئی سالوں سے طویل جنگ لڑی۔