فرمان الہی
نماز کے اوقات
گجرات(نمائندہ جنگ) گجرات میں روزنامہ جنگ کلچرل ونگ اور یو بی ایل کے اشتراک سے ہنڈی سے انکار، پاکستان سے پیار اسٹیج شو پیش کیا گیا۔
ضلع کونسل گجرات میں روزنامہ جنگ اور یو بی ایل کے اشتراک سے ایک فیملی فنکشن منعقد کیا گیا۔ اس فیملی فنکشن میں ہنڈی سے انکار، پاکستان سے پیار کے حوالے سے طنز و مزاح پر مشتمل ایک اسٹیج شو پیش کیا گیا۔
اسٹیج شو میں ملک کے مایہ ناز فنکاروں نے شرکت کی۔ ان میں معروف کامیڈین کاشف خان، تسلیم رانا، سلیم آفریدی، چاند پوری، شانزے اور شاہدہ مرتضیٰ نے اپنے فن کا مظاہرہ کیا۔
فیملی شو میں خواتین اور بچوں کی کثیر تعداد موجود تھی۔ جو اس فیملی شو سے لطف اندوز ہوئے۔ فنکاروں نے حاضرین کو اپنے خوبصورت انداز میں بتایا کہ اپنی رقوم ہنڈی کی بجائے بینکوں کے ذریعے بھیجا اور منگوایا کریں۔ شو کے آخر میں فیملیز میں انعامات بھی تقسیم کیے گئے۔
