فرمان الہی
نماز کے اوقات
لاہور (نمائندہ جنگ)پاکستان پیپلز پارٹی کے چیئرمین بلاول بھٹو زرداری گزشتہ رات لاہور پہنچ گئے، وہ آج ساہیوال میں جلسہ عام سے خطاب کریں گے۔ انہیں سخت سکیورٹی میں بلاول ہائوس پہنچایا گیا۔ پاکستان پیپلز پارٹی کا چنیوٹ اور فتح جنگ کے بعد ساہیوال میں یہ تیسرا بڑا جلسہ ہوگا جس میں پیپلز پارٹی اپنی سیاسی قوت کا مظاہرہ کرے گی۔ پی پی پی پنجاب کی اعلیٰ قیادت پہلے ہی ساہیوال پہنچ چکی ہے۔ جلسہ عام سے قمر زمان کائرہ، ندیم افضل چن، میاں منظور احمد وٹو، مصطفیٰ نواز کھوکھر، ساہیوال ڈویژن کے صدر خرم جہانگیر وٹو اور ضلع ساہیوال کے صدر ذکی چودھری سمیت دیگر قائدین خطاب کریں گے۔ پیپلز پارٹی کے سینئر رہنما اورسینیٹ میں قائد حزب اختلاف چودھری اعتزاز احسن کی جلسہ میں شرکت بھی متوقع ہے۔
