کراچی (نیوز ایجنسیز) ٹیم سرگودھا رائزنگ اسٹارز نے لاہور قلندرز جاز رائزنگ اسٹارز ٹی 20 کپ جیت لیا۔ فائنل میں ٹیم سرگودھا رائزنگ اسٹارز نے لیہ رائزنگ اسٹارز کو شکست دے کر ٹرافی حاصل کر لی ۔ پہلے بیٹنگ کرتے ہوئے لیہ رائزنگ اسٹارز نے 8 وکٹوں کے نقصان پر 148 رنز بنائے جس کے جواب میں سرگودھا رائزنگ اسٹارز نے مطلوبہ اسکور چار وکٹوں کے نقصان پر پورا کر کے میچ جیت لیا۔ سرگودھا رائزنگ اسٹارز کے اوپنر محمد نوید نے فتح گر 68 رنز کی اننگز کھیل کر مین آف دی میچ کا ایوارڈ حاصل کیا۔ فائنل میچ جیتے نے پرسرگودھا رائزنگ اسٹارز کوتین لاکھ روپے کی انعامی رقم دی گئی جبکہ لیہ رائزنگ اسٹارز کو دو لاکھ روپے بطور انعامی رقم دئیے گئے۔اختتامی تقریب سے خطاب کرتے ہوئے شہباز مقصود خان نے کہا کہ فتح حاصل کرنے پر میں سرگودھا کی ٹیم کو مبارکباد پیش کرتا ہوں۔ مجھے یقین ہے کہ یہ لڑکے آگے جائیں گے اور مستقبل میں ہونے والے ٹورنامنٹس میں ملک کی نمائندگی کریں گے جو ہمارا حقیقی مقصد ہے۔ جاز رائزنگ اسٹارز ٹی 2 0کپ 2017کے پو ل بی کے میچز، سیمی فائنلز اور فائنل میچ قذافی اسٹیڈیم ، لاہور میں کھیلے گئے جبکہ پول اے کے میچز مظفرآباد اسپورٹس اسٹیڈیم میں کھیلے گئے۔ اس سال کے جاز رائزنگ اسٹاررز کے ٹرائلز میں نو شہروں سے 160000سے زائد کھلاڑیوں نے شرکت کی تھی۔ ٹورنامنٹ سے ٹاپ کرنے والے 16کھلاڑی اب سڈنی ٹرائنگولر سیریز اور دبئی ایمریٹس کپ کے تحت پیشہ ورانہ تربیت اور عالمی تجربہ حاصل کریں گے۔ جاز رائزنگ اسٹارز ٹی 20کپ کے پلیئرز پاکستان سپر لیگ کے تیسری ایڈیشن میں لاہور قلندرز کی نمائندگی کریں گے۔
فرمان الہی
نماز کے اوقات
