چٹا کٹھا، پاکستان(اے ایف پی) آزاد کشمیر کے عوام ایک خزانے کے سینے پر بیٹھے ہوئے ہیں اور روبی نامی قیمتی پتھروں پر مشتمل یہ خزانہ تقریباً 4کروڑ گرامز سے زائدوہاں پایا جاتاہے جس کی قیمت تقریباًنصف ارب ڈالر سے بھی زیادہ ہوسکتی ہے۔ غیر ملکی خبر رسا ں ادارے کے مطابق قدیمی زمانے کے اوزار اور انفرااسٹرکچر و تکنیک میں سرمایہ کاری کی قلت مذکورہ علاقے کو قیمتی پتھروں کی انڈسٹری میں ایک اہم کھلاڑی کے طور پرتبدیل کرنے کی کوششوں میں رکاوٹ ڈال رہی ہے۔ قیمتی پتھروں کی ایک ڈیلر ہما رضوی کا کہناہے کہ ہمارے پاس روبیز نامی پتھر ہے جو برمیز نامی پتھر کی طرح اچھا ہوتا ہے لیکن اسکی کان کنی کی تکنیک زیادہ بہتر ہیں۔سرکاری طور پر کئے گئے سروے کے مطابق آزاد کشمیر میں تقریباً 4کروڑ گرامز سے زائد کے روبیزذخائر موجود ہیں۔ محمد عظیم نامی کان کن جو قدیمی طریقے سے کان کنی کرتے ہیں نے اے ایف پی کو بتایا کہ یہاں کان کنی انتہائی مشکل کام ہے ، یہ قمرتوڑ کام ہے اور کبھی کبھار ہی اپکو محنت کا پھل ملتا ہے، گزشتہ سال ملازمین نے ایک انڈے کے جتنا روبی پتھر دریافت کیا تھا۔
فرمان الہی
نماز کے اوقات
