راولپنڈی(ایجنسیاں)پولیس نے کمرشل مارکیٹ سیٹلائٹ ٹائون سے ایک امریکی خاتون کو گرفتار کر لیا۔ خاتون کے پاسپورٹ کے مطابق 31 سالہ الزبتھ میری لنکاسٹر جو ویسٹ ورجینیا کی رہائشی ہے 18 ماہ قبل عدنان خان نامی پاکستانی شہری سے شادی کے بعد اسلام آباد آئی تھی۔ میڈیا رپورٹس کے مطابق پولیس نے بتایا کہ الزبتھ اپنی طلاق سے قبل 18 ماہ سے اپنے شوہر کیساتھ رہ رہی تھی اور 24 اکتوبر کو اسے واپس امریکا جانا تھا لیکن اس نے جانے سے انکار کر دیا۔پولیس کے مطابق الزبتھ کو گزشتہ سال 13 مئی کو ٹورسٹ ویزا دیا گیا، جس کی مدت 12 نومبر 2016 تک تھی، ویزے کو بڑھا کر یکم مئی 2017 تک کر دیا گیا اور 19اکتوبر تک مزید مہلت دی گئی۔ الزبتھ کرکٹ سٹیڈیم کے قریب ایک ہوٹل میں رہائش پذیر تھی، جہاں اسے بل نہ دینے کی وجہ سے جانے کو کہا گیا۔ الزبتھ کو حراست میں لیکر نیو ٹائون پولیس سٹیشن لے جایا گیا جہاں سے امریکی سفارتخانے اور وفاقی تحقیقاتی ادارے سے رابطے کے بعد خواتین کے تھانے منتقل کر دیا گیا۔
فرمان الہی
نماز کے اوقات
