راولپنڈی (سٹاف رپورٹر)راولپنڈی اسلام آبادکے مختلف علاقوں سے دولڑکوں اورایک لڑکی کواغواکر لیاگیا۔تھانہ گنج منڈی کو محمد خان نے بتایا کہ میں ، میرے بیٹے محمدرمضان ، محمد عمر فاروق کے علاوہ کاریگر محمد ابراہیم اور مزدور محمد اختر کی موجودگی میں پانچ ،چھ افراد سول کپڑوں میں کارخانہ میں آئے اوراپنے آپ کو سرکاری اہلکار ظاہر کر کے تمام کے شناختی کارڈ لے لیے اور بعدازاں میرے بیٹے محمد عمر فاروق کو نیچے کھڑی کا ر میں بٹھا کر لے گئے ان میں سے ایک کے پاس گن تھی ۔ تھانہ بنی کو ضیاء الرحمن نے بتایا کہ 4 نامعلوم افر اد کوہاٹی بازار سے ویگو ڈالا میں میرے بھائی حمید اللہ کو زبر دستی اٹھا کر لے گئے محلہ داروں نے بتایا میں نے بھائی کو فون کیا تو بند مل رہا ہے ۔تھانہ کراچی کمپنی پولیس کو نیامت مسیح نے بتایاکہ ملزمان نبیل،پطرس،سلیم،شارون،سرور،رمشاء اور نازیہ اختر نے مدعی کی بیٹی(ص )کو اغواء کر لیا ہے۔
فرمان الہی
نماز کے اوقات
