ملتان( پ ر) اخبار فروش یونین ملتان کا اجلاس صدر اخبار فروش یونین ملک عرفان اتیرا کی صدارت میں منعقد ہوا، اجلاس میں اخبار فروش مارکیٹ کے مرمتی کام اور تزئین و آرائش کے حوالے سے 7رکنی کمیٹی کا قیام عمل میں لایا گیا، اجلاس میں اخبار فروشوں کے مسائل کو ترجیحی بنیادوں پر حل کرانے کے لئے باہمی مشاورت سے آئندہ کا لائحہ عمل تیار کیا گیا، اجلاس سے خطاب کرتے ہوئے اخبار فروش یونین کے صدر ملک عرفان اتیرا نے کہا کہ ہم اخبار فروشوں کے مسائل کو ترجیحی بنیادوں پر حل کرانے کے لئے دن رات کوشاں ہیں، اخبار فروش ہمارا سرمایہ ہیں، اخبار مارکیٹ ملتان جنوبی پنجاب کی سب سے بڑی مارکیٹ ہے۔ اس میں اخبار فروشوں کی سہولت کے لئے مزید اقدامات بھی کئے جارہے ہیں، جس کے لئے اخبار فروش یونین کے تمام عہدیدار بھی متفق ہیں۔ اجلاس میں اخبار مارکیٹ کی بہتری کے لئے سرپرست اعلیٰ شیخ عمر دین نے قرارداد پیش کی جسے تمام عہدیداروں نے متفقہ طور پر تسلیم کیا اور انہیں اپنی مکمل حمایت کا یقین دلایا ، اجلاس میں سرپراست اعلیٰ شیخ عمر دین نے اخبار فروش یونین کے عہدیداروں کی صلاحیتوں کی تائید کرتے ہوئے انہیں خراج تحسین پیش کیا، جنرل سیکرٹری اخبار فروش یونین ملک مختیار احمد نے کہا کہ اخبار فروش اخباری صنعت میں ریڑھ کی ہڈی کی حیثیت رکھتے ہیں، موسم جیسا بھی ہو وہ جانفشانی سے فرائض سر انجام دیتے ہیں، اجلاس میں ممبر فیڈریشن ملک بلال، ملک حاجی شہزاد، ملک حاجی ایوب ، ملک نور احمد اتیرا، ملک اشفاق، ملک نواز اتیرا، حاجی بشیر اتیرا، ملک مسعود الحسن مٹھو ، ملک سجاد رسول، رانا اقبال ، ملک فیاض، ملک امیر آزاد ،خالد بھٹی نے اجلاس میں شرکت کی۔
فرمان الہی
نماز کے اوقات
