فرمان الہی
نماز کے اوقات
اسلام آباد کی احتساب عدالت نے اثاثہ جات ریفرنس میں اسحاق ڈار کی حاضری سےاستثنا اورریفرنس کا ٹرائل بذریعہ نمائندہ چلانے کی درخواست پر فیصلہ محفوظ کرلیا، جو آج ہی سنایا جائے گا۔
احتساب عدالت کے جج محمد بشیر نے اسحاق ڈار کے خلاف آمدن سے زائد اثاثے بنانے کے ریفرنس کی سماعت کی۔
وزیر خزانہ اسحاق ڈار بیرون ملک ہونے کے باعث آج عدالت میں پیش نہیں ہوئے۔
اسحاق ڈار کی وکیل عائشہ حامد نے استثنا اور نمائندہ مقرر کرنے کی درخواست دائر کی اور عدالت کو بتایا کہ ان کے موکل پہلے ڈاکٹر کی رپورٹس اور انجیو گرافی سے مطمئن نہیں،اب دوسرے ڈاکٹر کے پاس تشخیص کے لیے جارہے ہیں،تب تک یہ کیس نمائندے کے ذریعے چلایا جائے۔
وزیر خزانہ اسحاق ڈار کی وکیل عائشہ حامد نےبتایا کہ ظافر خان کو اسحاق ڈار نےاپنا نمائندہ مقرر کیا ہے ۔
فریقین کے دلائل مکمل ہونے کے بعدعدالت نے فیصلہ محفوظ کرلیا اور فیصلہ آج ہی سنایا جائے گا۔
