راولپنڈی (سٹاف رپورٹر) راولپنڈی کے مختلف علاقوں سے ایک ماں اور تین بچوں سمیت 6افراد کو اغواء کر لیا گیا۔ تھانہ گوجر خان کو محمد رفیق نے بتایا کہ میری بیوی کھیتوں سے مونگ پھلی چننے گئی ہوئی تھی۔ میری بیٹی اور ضعیف والدہ گھر پر تھیں۔ اسی دوران عمران، احسان، عنایت، تسلیم کیری ڈبہ میں ہماری ہمسائی محفوظ بی بی کے گھر آئے اور محفوظ بی بی میری بیٹی (م) عمر 20سال کو اپنے گھر بلا کر لے گئی۔ تھوڑی دیر بعد میری بیٹی کو گاڑی میں بیٹھا کر عمران وغیرہ اغواء کرکے لے گئے۔ جب میری بیوی اور والدہ نے محفوظ بی بی سے پتہ کیا تو وہ صاف مکر گئی۔ پڑتال کرنے پر گھر سے زیور 4تولے اور 5لاکھ روپے بھی غائب تھے۔ تھانہ مری کو محمد فاضل خان نے بتایا کہ میرا بیٹا محمد رفاقت عمر 34سال بیکری واقع نیو مری سے فارغ ہو کر اپنے دوست ربنواز کے ساتھ گھر جا رہے تھے کہ نامعلوم اشخاص ایک کیری ڈبہ، کرولا 2ڈی اور ایک ڈبل ڈور گاڑیوں میں آئے اور میرے بیٹے محمد رفاقت اور ربنواز کو زبردستی گاڑیوں میں ڈال کر لے گئے۔ رب نواز کو بہارہ کہو کے قریب اتار دیا لیکن میرے بیٹے کو نامعلوم اشخاس اغواء کر کے ساتھ لے گئے۔ مری پولیس کو محمد زبیر نے بتایا کہ میرے دیگر بھائی محمد اکابر وغیرہ نے اپنی ملکیتی زمین 15کنال فروخت کی تھی‘ جس میں سے 15لاکھ روپے میں نے گھر رکھے تھے جو غائب ہو گئے۔ تلاش کے باوجود بھی نہ مل سکے‘ میں محنت مزدوری کیلئے مری بھوربن چلا گیا۔ جب شام کو گھر آیا تو میری بیوی (ن) بی بی، دو بیٹیاں اور ایک بیٹا جن کے نام نسرہ بی بی عمر 8سال، حرابی بی عمر 5سال‘ ایک لڑکا صائم عباسی عمر 7سال گھر سے غائب تھے۔ میرے بھائیوں نے میری بیوی مسماة نویدہ بی بی پر بھی 15لاکھ روپے چوری کرنے کا الزام لگایا تھا‘ میری بیوی اور بچوں کو ہو سکتا ہے کسی نامعلوم شخص نے اغواء کر لیاہے۔
فرمان الہی
نماز کے اوقات
