آپ آف لائن ہیں
پیر 03 شوال المکرم 1439ھ 18؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Call International Conference For Rohingya Muslims Amjad Bashir

یارک شائر اور ہمبر سے پاکستانی نژاد برطانوی رکن یورپین پارلیمنٹ امجد بشیر نے مطالبہ کیا ہے کہ روہنگیا مسلمانوں کے لیے بین الاقوامی کانفرنس بلائی جائے۔

ا سٹراس برگ میں جاری یورپین پارلیمنٹ کے اجلاس میں تقریر کرتے ہوئے انہوں نے کہا کہ کہ روہنگیا مسلمانوں کی نسل کشی روکنے کے لیے پارلیمنٹ میں فوری بحث کا بھی آغاز کیا جائے اور حکومتوں کی سطح پر ایک بین الاقوامی کانفرنس بلانے کے لیئے رابطہ کا ری کی جائے۔

x
Advertisement

اپنے بنگلہ دیش کے سفر میں روہنگیا مسلمانوں سے ملاقات اور ان کے حالات کے بارے میں ذاتی مشاہدے کے حوالے سے ساتھی ممبران کو آگاہ کرتے ہوئے انہوں نے کہا کہ گذشتہ روز ایک امریکی ٹی وی چینل نے بھی پوری دنیا کو دکھا دیا ہے کہ روہنگیا مسلمان کتنی تکالیف برداشت کر رہے ہیں۔

امجد بشیر ایم ای پی نے کہا کہ لاکھوں مظالم کے باعث میانمار میں اپنا گھر بار چھوڑ نے پر مجبور ہو چکے جبکہ لاکھوں وہیں پھنسے ہوئے ہیں،اسی صورتحال میں مائیں ساحلوں پر بچوں کو جنم دے رہی ہیںجبکہ وہ لوگ خوش نصیب شمار ہوتے ہیں جن کو میانمار سے فرار کیلئے کشتی میسر آجائے۔

انہوں نے مزید کہا کہ کہ وہ لوگ جو اب تک وہاں پھنسے ہوئے ہیں یہ ایوان انسانیت کے لیے اپنی ذمہ داریاں ادا کرتے ہوئے اس صورتحال کے بارے میں خصوصی بحث کرے۔

امجد بشیر نے مزید کہا کہ میں نے اقوام متحدہ، بنگلا دیش، میانمار اور برطانوی حکومت سے جو فیڈ بیک حاصل کیا ہے اس کے تحت میں مطالبہ کرتا ہوں کہ اس سلسلے میں یورپین یونین ایک بین الاقوامی کانفرنس بلائے۔

Chatاپنی رائے سے آگاہ کریں