گھوٹکی(نامہ نگار) ضلع گھوٹکی میں شوگر ملیں نہ چلانے کے خلاف شہری اتحاد کی بھوک ہڑتال تفصیلات کے مطابق صوبہ سندھ کی طرح ضلع گھوٹکی میں شو گر ملیں نہ چلانے کیخلاف گھوٹکی شہری اتحاد (ایم) کی جانب سے پریس کلب کے سامنے بھوک ہڑتالی کیمپ قائم کر کے علامتی بھوک ہڑتال کی گئی۔ اس موقع پر میاں نثار احمد ، محمد مٹھل گھوٹو ، سلیم بھٹی ، محمد رمضان بھٹی ودیگر نے کہا کہ حکومت سندھ کاشتکاروں کا معاشی قتل کر رہی ہے ایک طرف شوگر ملیں نہیں چلا ئی جا ر ہیں جس کی وجہ سے گنے کی فصل سوکھ رہی ہے جس کی وجہ سے آباد گاروں کا لاکھوں روپے کانقصان ہو رہا ہے اور دوسری جانب گندم کی کاشت کا وقت ختم ہوتا جا رہا ہے آبادگار گنے کی کٹائی نہ ہونے کی وجہ سے گندم کی کاشت بھی نہیں کر سکتے۔ انہوں نے مطالبہ کیا کہ شوگر ملیں چلا کر گنے کا ریٹ بڑھایا جائے بصورت دیگر ہمارا احتجاج جاری رہے گا۔
فرمان الہی
نماز کے اوقات
