ملتان( سٹاف رپورٹر)ریجنل پولیس آفیسر محمد ادریس احمد کا ایوان تجارت و صنعت ملتان کا دورہ کیا اور صدر ملک اسرار اعوان سے ملاقات کی، اس موقع پر سینئر نائب صدر مسز رومانہ تنویر شیخ‘سابق صدور خواجہ جلال الدین رومی‘فرید مغیث شیخ‘ شیخ فضل الٰہی’اورنگزیب عالمگیر اور خرم جاوید بھی موجود تھے ، آر پی او محمد ادریس احمد نے کہا کہ تھانوں میں بہتری کے لئے دستیاب وسائل بروئے کار لا رہے ہیں، کمیونٹی پولیسنگ کو مل جل کر بہتر بناسکتے ہیں۔ ہر شخص کو سی پی ایل سی کا حصہ ہونا چاہئے کہیں غلط ہورہا ہے تو ہمیں اطلاع دیں، صدر ملک اسرار اعوان نے کہاکہ پولیس کلچر میں بہتری وقت کا تقاضا ہے،سینئر نائب صدر رومانہ تنویر شیخ اور سابق صدر خواجہ جلال الدین رومی نے ٹریفک مسائل کی نشاندہی کی اور اس کے حل کے لئے ٹریڈ باڈیز سے مشاورت کی تجویز دی آر پی او نے بیرون ممالک سے تجارت یا تفریح کے لئے آنے والے وفود شخصیات کے بارے میں بروقت اطلاع کو یقینی بنانے کا کہا اور مشترکہ طور پر ایم سی سی آئی میں سکیورٹی کے حوالہ سے سیمینار منعقد کرنے کی تجویز پر بھی اتفاق کیا۔
فرمان الہی
نماز کے اوقات
