ملتان (سٹاف رپورٹر) سابق وزیراعظم یوسف رضا گیلانی نے کہا ہے کہ حکمران عوام کے مسائل حل کرنے میں بری طرح ناکام ہو چکے ہیں، بلاول بھٹو ہی عوام کے نجات دہندہ کا کردار ادا کر سکتے ہیں ،ملتان کا جلسہ ثابت کر دے گا کہ ن لیگ کہاں کھڑی ہے کارکن ملتان میں 15دسمبر کے جلسہ عام کو کامیاب بنانے کے لئے دن رات ایک کر دیں ان خیالات کا اظہار انہوں نے پارٹی رہنما حاجی حامد علی بھٹی کو تحصیل صدر جلالپور پیروالہ کا نوٹیفکیشن دیئے جانے کے موقع پر گفتگو کرتے ہو ئے کیا،یوسف رضا گیلانی نے مزید کہا کہ ملتان سمیت جنو بی پنجاب کی تنظیم مکمل ہو چکی ہے اب پارٹی عہدیداروں کی ذمہ داری ہے کہ وہ یونین کونسل کی سطح پر پارٹی کو مزید مضبوط کریں اور گھر گھر جاکر قائد بلاول بھٹو کا پیغام پہنچائیں ،پیپلز پارٹی نے ہمیشہ عدلیہ کا احترام کیا اور آج بھی وہ عدلیہ کا احترام کرتے ہیں ۔
فرمان الہی
نماز کے اوقات
