ملتان (سٹاف رپورٹر) سابق وزیراعظم یوسف رضا گیلانی نے کہا ہے کہ پیپلزیوتھ آرگنائزیشن کے نوجوانوں کا آج کا کنونشن 15دسمبر کو چیئرمین بلاول بھٹو زرداری کے ملتان جلسہ کی تاریخی کامیابی کا پیش خیمہ ثابت ہوگا ، بلاول بھٹوزرداری جلسہ عام میں خطہ کی محرومیوں ، پسماندگی کو اجاگر کرنے کے ساتھ ساتھ پارٹی منشور کے نکات بھی پیش کریں گے، ان خیالات کا اظہار انہوں نے پیپلزیوتھ آرگنائزیشن جنوبی پنجاب کے یوتھ کنونشن سے خطاب کرتے ہوئے کیا،انہوں نے کہا کہ نوجوان کارکن ہمارا فخر اور پارٹی کا قیمتی سرمایہ ہیں ،بر سر اقتدار آکر نوجوانوں کے لئے یوتھ پالیسیاں مرتب کریں گے اور انہیں روزگار فراہم کریں گے، پہلے بھی نوکریاں دینے کی پاداش میں سزا ملی اگر نوکریاں دینا جرم ہے تو یہ جرم ہم بار بار کریں گے ،انہوں نے پی وائے او کے صدر عارف شاہ اور پی وائے او کے عہدیدار وں کو مبارکباد دیتے ہوئے مزید کہا کہ آج یوتھ کنونشن میں نوجوانوں کا جوش و خروش دیدنی ہے ، نوجوان گلی گلی کوچہ کوچہ اور قریہ قریہ پھیل کر 15دسمبر کے جلسہ عام کی بھرپور کامیابی کے لئے جدوجہد کریں ،قومی اسمبلی میں پیپلزپارٹی نے بل پیش کرکے اپنا حق ادا کیا ہے،سابق صدر آصف زرداری نے مشر ف کی وردی اتروائی، پیپلز یوتھ جنوبی پنجاب کے صدر سید عارف شاہ جنرل سیکرٹری فہیم خان دیگر رہنما سیف علی بھٹی،رانا عابد علی ، محمد علی نومی بھٹہ، دانیال ہراج، بابر خان مہمند، ظہیر شاہ ، ضیغم خان نے بھی خطاب کیا۔
فرمان الہی
نماز کے اوقات
