راولپنڈی(اپنے رپورٹر سے) پیپلز پارٹی کی گولڈن جوبلی کے موقع پر راولپنڈی میں مختلف تقریبات کا انعقاد کیا گیا۔ سٹی آفس لیاقت باغ میں پاکستان پیپلز پارٹی کے یوم تاسیس کے موقع پر کیک کاٹنے کی تقریب سے خطاب کرتے ہوئے پیپلز پارٹی سٹی کے صدر بابر سلطان جدون،جنرل سیکرٹری چوہدری افتخار،سیکرٹری انفارمیشن ناصر میر، بنارس چوہدری، آصف اکبر، اور ایاز پپو نے کہا کہ ملک کی 70سالہ تاریخ میں پاکستان پیپلز پارٹی واحد سیاسی جماعت ہے جسےگولڈن جوبلی منانے کا اعزاز حاصل ہوا ۔ پی ٹی آئی اپنی ناکامیوں کی سلور جوبلی منائے ۔ مسلم لیگ ن پاناما لیکس میں دھنس چکی ہے ۔ذوالفقاربھٹو اور بے نظیر بھٹو کے تاریخی کارناموں کی وجہ سے پیپلز پارٹی ہمیشہ عوام کے دلوں میں زندہ رہے گی ۔ دریں اثناء یوسی 40 میں تقریب سے خطاب کرتے ہوئے پیپلز پارٹی راولپنڈی کے سابق سیکریٹری اطلاعات شجاعت حیدر نقوی ،چوہدری بشیر منظر عالم، محمد حسین ، شیخ طارق محمود چوہدری یوسف ارشد قریشی وسیم بٹ محمد یاسیر شیخ نور الہی شیخ وسیم قریشی شیخ احسان نے کہا کہ پیپلز پارٹی پاکستان کو ترقی یافتہ مستحکم اور روشن خٰیال بنانے کیلئے پْر عزم ہے۔ آج پیپلز پارٹی ہی قوم کو مذہبی اور لسانی بنیادوں پر تقسیم کرنے والوں کے راستے کی رکاوٹ ہے ۔
فرمان الہی
نماز کے اوقات
